Inahan gipusil, patay

NAHAGBA SA DAN: Kini ang usa ka inahan nga gipusil-patay sa riding in tandem nga nahagba sa dan sa sudlunon nga bahin sa Purok Candle, Barangay Lipata, lungsod sa Minglanilla, alas 11:00 sa gabii, Mayo 11, 2024.
NAHAGBA SA DAN: Kini ang usa ka inahan nga gipusil-patay sa riding in tandem nga nahagba sa dan sa sudlunon nga bahin sa Purok Candle, Barangay Lipata, lungsod sa Minglanilla, alas 11:00 sa gabii, Mayo 11, 2024. Arkeen M. Larisma

Usa ka inahan ang gipusil-patay sa riding in tandam sa Purok Candle, Barangay Lipata, lungsod sa Minglanilla, alas 11:00 sa gabii, Mayo 11, 2024.

Ang biktima mao si Judaline Gonzales, 29, dunay kapuyo, dunay mga anak, ug molupyo sa naasoy nga dapit.

Sumala sa taho sa kapu­lisan, ang biktima naglakaw ug nilabang sa karsada sa dapit apan dunay nilabay nga motorsiklo diin ang sakay niini maoy nipusil sa biktima sa makadaghang higayon.

Ang biktima naigo sa nagkadaiyang bahin sa lawas ug nakadagan sa sudlunon nga bahin sa maong dapit ug didto na kini nahagba.

Gisuwayan kini sa pagtabang sa mga rescuer sa Ming­lanilla apan nakabsan gyud kini sa iyang kinabuhi.

Ang kapulisan sa Minglanilla ubos sa kamandoan sa ilang hepe nga si P/Maj. Kelvin Jomari Golitod, padayon pa nga nagpalawom sa ilang imbestigasyon aron mailhan ang riding in tandem nga mamumuno ug unsa ang motibo sa pagpamusil.

Ang kapulisan nag-establisar usab background sa biktima aron masubay ang hinungdan sa maong krimen.

Ang amahan sa biktima nga nahinabi sa SunStar Cebu, nipadayag sa iyang pagduda nga posible nga bahin kini sa illegal nga droga apan wala kini moha­tag og detalye sa iyang pagduda.

Nakasulti ang amahan nga ang iyang anak ‘tarong’ sa wala kini nalambigit sa iyang kaipon karon. / Dugang ni AML

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph