Si Roselyn D. Amores, proud nga anak nila Mr. ug Mrs. Ranulfo Dadul, usa ka babaye nga puno sa kalig-on, dedikasyon, ug panglantaw sa kinabuhi.
Isip mahigugmaong inahan sa upat ka anak, maayo niyang nabalanse ang iyang mga responsibilidad samtang nagpadayon sa pagkab-ot sa iyang mga damgo ug paghimo og makahulugang kausaban sa iyang komunidad.
Ang edukasyonal nga panaw ni Roselyn mao’y usa ka pamatuod sa iyang determinasyon.
Nagsugod siya sa iyang pag-eskwela sa Tacup Elementary School ug nagpadayon sa iyang secondary education sa Lambusan National High School diin siya nakagradwar nga may pasidungog isip 4th Honorable Mention.
Tungod sa iyang walay puas nga kadasig sa pagkat-on, nisulod siya sa University of the Visayas diin iyang gisugdan ang unang lakang sa damgo nga mahimong magtutudlo pinaagi sa pagkuha sa kurso nga Bachelor of Elementary Education (BEED).
Ang pagkamalahutayon ug pagka-flexible maoy nagdala sa kalampusan sa iyang professional journey.
Niadtong 2005, gisugdan niya ang iyang unang trabaho isip witness, ug dali siyang nakatigom og bililhon nga kasinatian sa kinabuhi ug trabaho.
Sa samang tuig, nilampos siya sa posisyon nga saleslady sa Best Buy nga iyang gihuptan hangtod sa tuig 2006.
Gikan 2014 hangtod 2016, nagtrabaho si Roselyn isip usa ka production assembler sa Mitsumi Danao diin iyang gipakita ang iyang dedikasyon ug lig-on nga pamatasan sa pagtrabaho.
Nakita ang passion ni Roselyn sa pagtrabaho ug kalambuan sa komunidad sa dihang nagserbisyo siya isip Presidente sa Barangay Health Workers sulod sa pito ka tuig (2016–2023).
Samtang nagpadayon sa iyang serbisyo, nag-volunteer sab siya sa Kapit-Bisig Laban sa Kahirapan - Comprehensive and Integrated Delivery of Social Services (KALAHI CIDSS) usa ka role nga mas nipalawom sa iyang koneksyon sa komunidad ug nipainit sa iyang sense of empowerment.
Bisan pa sa mga hagit nga mabalanse ang katungdanan isip inahan, asawa, ug trabahante sa barangay, nipasigarbo gihapon si Roselyn sa iyang mga boluntaryong tahas lakip na ang pagserbisyo isip BAC Member sa 2nd cycle sa KALAHI CIDSS ug Chairperson saBarangay Development Council - Technical Working Group (BDC-TWG) sa Phase 1 sa Additional Financing for the National Community-Driven Development Program (NCDDP-AF).
Nagpasalamat siya sa iyang mga kasinatian sa KALAHI CIDSS nga nakapausab sa iyang panglantaw nga nagtugot kaniya sa pagsabot sa mga komplikadong proseso ug pagdawat sa iyang mga katungdanan nga puno sa kumpiyansa.
Matod niya, usa ka pulong ang naglangkob sa iyang panaw isip volunteer sa komunidad nga mao ang “empowerment.” Ang programa nagdasig kaniya nga masabtan ang iyang abilidad sa pagkab-ot og labaw pa sa iyang mga gihunahuna.
Ang iyang inspiring journey nga gikan sa usa ka determinado nga estudyante ug masaligan nga empleyado hangtod sa usa ka empowered nga volunteer ug lider sa komunidad, nagpakita sa kahibulongang gahum sa perseverance, dedikasyon, ug komitment sa paghimo og kausaban.
Ang kaagi ni Roselyn dili lang usa ka narrative sa kalampusan apan usa ka hayag nga pagmatuod kon unsa ang kahulugan sa pagbarog taliwala sa mga hagit ug pagbag-o sa mga damgo ngadto sa realidad, samtang nag-empower sa uban sa iyang panaw. / PR