Informant makadawat og P20K batok dynamite fishing

PANGISDA: Mayor Junard Chan (nagputi og t-shirt) mitunol og payaw ug salibot ingon man pundo sa pundok sa mga mana­nagat sa Lapu-Lapu City. /
PANGISDA: Mayor Junard Chan (nagputi og t-shirt) mitunol og payaw ug salibot ingon man pundo sa pundok sa mga mana­nagat sa Lapu-Lapu City. / Junard ‘Ahong’ Chan Facebook page

Sa mga mananagat sa dakbayan sa Lapu-Lapu nga makahatag og inpormasyon niadtong nalambi­git sa dynamite fishing, ang makadawat og cash reward.

Giawhag ni Lapu-Lapu City Mayor Junard Chan ang mga mananagat sa dakbayan nga makig-alayon sa kampanya sa siyudad sa katuyoan nga mapakgang ang illegal nga paagi sa panagat.

Sa kadtong makahatag og kasayuran labot sa illegal fi­shing, ang makadawat og P20,000 cash.

Gipahibawo sa mayor nga seryuso ang kagamhanan nga mapahugtan ang maong kampanya aron nga mapanalipdan ang kadagatan sa grabeng kadaot resulta sa dinamita.

Naila ang Lapu-Lapu gawas sa kanindot sa beaches, ug usa kini sa mga giduaw nga diving spot nga nagha­tag og kalambuan sa natad sa turismo.

Samtang adunay 30 ka mga mananagat ang gihatagan og kahigoyanan ni Chan nga magbag-o sa ilang kinabuhi ilabi nga aduna kanila ang napungkol kay naunay kaniadto sa ilang pagdinamita atol sa pagpanagat. Ang maong mga mananagat gihatagan og mga payaw ug salibot, niadtong Mayo 9, 2024.

Ang ilang grupo gihatagan og P45,000 nga hinabang pinansiyal nga magamit nila nga mapalambo ang ilang pa­nginabuhian dungan sa saad nga di na mobalik sa ilang pag­dinamita. / FVQ

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph