Inilogay og pwesto

Karong adlawa, April 14 (PH time), mao ang pinakauwahi nga playing date alang sa National Basketball Association (NBA) 2024-2025 regular season ug makompleto na sa teams ang 82 ka mga duwa.

Dunay teams nga ang ika-82 nga duwa sa regular season hayan mura og Game 7 tu­ngod sa ka importante niini alang sa ilang kapalaran ug pwesto sa playoffs.

Sama sa pito ka teams nga naa sa sikit nga Western Conference.

Ang Golden State, Denver, Los Ange­les Clippers ug Minnesota Timberwolves pulos mo-target sa playoff spots, ug usa ka­nila ma­oy makakuha og home-court ad­van­tage sa Round 1.

“I don’t want to be too dramatic,” matod ni Golden State guard Stephen Curry. “It should be like a Game 7-kind of vibe. You win, and you control your destiny on a guaranteed playoff series. You lose, and you roll the dice. Good teams find a way to win big games like that, and that’s what we’re aiming to be.”

Ang mapilde nga team mao ang moagi pa og play-in game karong Miyerkules.

Samtang lakip sa undeci­ded ang ranking mao ang Memphis Grizzlies, Sacramento Kings ug Dallas Ma­vericks. Ang tulo ka teams maghuwat pa sa mga resulta sa mga duwa aron mahibaw-an ang ilang ranking sa play-in.

Ang big man nga si Davis miingon nga moduwa ra sila kon unsa ang ihatag nga sitwasyon sa ilaha ug paningkamotan nga makakuha og nindot nga performance.

“It’s good that we know who we’re playing,” sigon ni Mave­ricks forward Anthony Davis. “So, we’ll start prepping.”

Ang sigurado ra nga ranking sa sikit kaayo nga West mao ang No. 1 Oklahoma City Thunder, No. 2 Houston Rockets ug No. 3 Los Angeles Lakers.

Samtang nagkaguliyang pa sa West, lahi ang hitsura sa Eastern Conference kay klaro naman ang ranking sa teams.

Ang Cleveland Cavaliers maoy No. 1, Boston Celtics anaa No. 2, ang New York Knicks maoy ikatulo (kontrahon nila ang No. 6 Detroit Pistons), ug ang Indiana Pacers naa sa No. 4 (kontrahon ang No. 5 Milwaukee Bucks).

Alang sa play-in ang No. 7 Orlando Magic moatbang sa No. 8 Atlanta Hawks sa play-in game, ug ang No. 9 Chicago Bulls mokontra sa No. 10 Miami Heat alang sa elimination game. / RSC