Labing minos unom ka mga benepisyaryo sa Walang Gutom Program ang na-hire dayon atol sa gipahigayon nga Innovations Caravan sa Department of Social Welfare and Development (DSWD) Field Office 7-Central Visayas sa Enan Chiong Activity Center sa Dakbayan sa Naga, Cebu.
Ang Productivity Fair nga usa sa mga nag-unang kalihukan sa caravan, maoy hinungdan sa maong kalampusan. Ang maong kalihukan nagtigom sa nagkalainlaing ahensiya sa gobiyerno ug uban pang mga kauban sa sektor, lakip na ang Technical Education and Skills Development Authority (Tesda), Department of Labor and Employment (Dole), ug Public Employment and Service Office (Peso) aron pagdgdala sa mga benepisyaryo ngadto sa mga potensiyal nga employer pinaagi sa job matching ug hiring on-the-spot (Hots) nga mga oportunidad.
Ang mosunod nga mga benepisyaryo nga nadawat dayon sa trabaho gikan sa Dakbayan sa Naga mao sila si Josephine Colico gikan sa Barangay Mayana; si Diana Rose Pacaña ug Imy Crismondo gikan sa Barangay Uling; si Shaira Jane Igonia gikan sa Barangay Tangke 2; ug si Nina Rose Apas ug Judy Ann Lapiz gikan sa Barangay Tagjaguimit.
Ang 18-anyos nga si Pacaña nga unang nadawat dayon isip usa ka production worker sa usa ka kompanya, nagpasalamat sa Productivity Fair nga nagtugot kaniya nga makatrabaho bisan pa wala siyay college degree.
“I am thankful to the DSWD for connecting Walang Gutom Program beneficiaries with potential employers because it made the process less of a hassle. With this opportunity, I can now help support my family, especially my younger siblings,” matod niya.
Samtang, ang magtiayon nga sila Jovencito ug Margelin Ruales maoy napili nga kampiyon sa Walang Gutom Kusinero Cook-Off Challenge sa Innovations Caravan. Gipadayag ni Margelin ang dako nilang kalipay ug pagpasalamat sa Ginuo, kang Presidente Ferdinand Marcos Jr., ug sa DSWD tungod sa maong programa.
Ang Walang Gutom Kusinero Challenge usa ka culinary competition nga nagserbisyo isip usa ka galamiton sa adbokasiya ug plataporma aron ipakita ang mga kahanas sa pagluto sa mga benepisyaryo sa Walang Gutom Program.
Sa kompetisyon, ang mga partisipante nagluto og masustansya, barato, ug lami nga mga pagkaon gamit ang mga sangkap gikan sa food redemption activities sa programa nga giinspirar sa Nutrition Education Sessions. Gipahigayon kini sa tulo ka lebel—Probinsyal, Rehiyonal, ug Nasyonal—uban sa mga kriteriya nga nag-awhag sa creativity ug innovation. Nagpakita kini sa kahanas sa mga benepisyaryo ug sa talagsaong putahe sa matag rehiyon sa nasod.
Gipakita sa Innovations Caravan ang opisyal nga paglusad sa Regional Tahanan Hub nga kabahin sa inisyatibo sa Pamilya sa Bagong Pilipinas. Ang programa nagtumong sa pagpalig-on sa pamilya ug pagpaduol sa mga serbisyo, ilabina sa non-monetary programs sa DSWD ngadto sa mga benepisyaryo ug komunidad.
Ang Caravan of Services nagtigom sa nagkalainlaing ahensiya sa gobiyerno aron direktang maghatag og serbisyo sa katawhan sama sa healthcare, livelihood assistance, ug uban pang programa ilabina sa marginalized nga sektor. Nitambong ang mga ahensiya sama sa Social Security System (SSS), PhilHealth, Land Transportation Office (LTO), Philippine Statistics Authority (PSA), Department of Agrarian Reform (DAR), International Pharmaceutical Inc. (IPI), ug MX3. Lakip sab ang partner community-based organizations sa EPAHP Program nga nipakita sa ilang lokal nga mga produkto.
Sa iyang opening message, si Regional Director Shalaine Marie Lucero nagpasalamat sa hugot nga suporta gikan sa DSWD partners, apil na ang Siyudad sa Naga nga aktibong nakigtambayayong ug nitabang sa maong aktibidad.
“Our program, the Walang Gutom Program, and the newly launched Pamilya sa Bagong Pilipinas aim to address hunger and provide sustainable food for families. This is the first time in the history of the DSWD to conduct this kind of activity, and we continue to develop innovative steps and programs to respond to the needs of families requiring food and other services,” matod ni Director Lucero.
Gi-empahasized ni DSWD Undersecretary for Innovations Eduardo M. Punay nga ang Walang Gutom Kusinero Cook-Off Challenge kabahin sa Social Behavioral Change component sa Walang Gutom Program nga nagtudlo sa mga benepisyaryo unsaon pag-andam og himsog, barato, ug lamian nga mga pagkaon.
Si Usec. Punay niingon nga ang Productivity Fair nagtumong sa pag-equip sa mga benepisyaryo sa programa sa gikinahanglan nga kahanas sa pagpangandam alang sa pagpanarbaho pinaagi sa mga kaubang ahensiya. Iyang gi-congratulate ang mga benepisyaryo nga na-hire on the spot.
“Kami po sa DSWD ngayon ay hindi lang puro ayuda. Ang focus ng DSWD ngayon ay developmental programs kasi gusto namin na matutong tumayo sa kanilang sarili ang mga beneficiaries namin,” matod niya. / PR