Gipahimangnuan ni Nonito “Filipino Flash” Donaire si junior featherweight undisputed champion Japanese Naoya “Monster” Inoue kabahin sa posibileng pagsaka niini sa featherweight division.
Kini human sa away ni Inoue batok ni Mexican-American Ramon Cardenas ning bag-uhay lang sa T-Mobile Arena sa Las Vegas, USA.
Nidaog man tuod gihapon si Inoue pinaagi sa 8th round TKO apan nakasinati kini og knockdown sa 2nd round, ikaduha sa iyang boxing career.
Nakaeskedyul pa nga moaway og balik si Inoue sa junior featherweight batok kang Murodjon Akhmadaliev sa Uzbekistan karong Septiyembre 14, 2025, apan naglaraw kini nga mosaka sa featherweight human niini.
Si Donaire, kinsa nakasinati og duha ka mga pilde batok ni Inoue, niingon nga naa gihapon ang kusog ni Inoue sa junior featherweight apan sa iyang tan-aw, lahi na ang estorya kon mosaka pa kini og timbang.
“But ultimately, the bigger guys are gonna be able to take shots even better,” pasabot ni Donaire nga napatik sa www.boxingscene.com.
Si Inoue, kinsa nahimo sab nga undisputed champion sa bantamweight division, adunay 30-7, 27 KOs nga rekord. / ESL