Inoue mi-K.O. ni Ancajas

Inoue mi-K.O. ni Ancajas
Boxing SunStar File photo

Gipaundang ni Japanese Takuma Inoue sa 9th round pinaagi sa body shot si Filipino Jerwin Ancajas aron depensaan sa labing unang higayon ang iyang World Boxing Association (WBA) bantamweight title niadtong Sabado sa gabii, Pebrero 24, 2024, sa Kokugikan Arena sa Tok­yo, Japan.

Human sa dasok aksyon nga engkuwentro sa nag-unang walo ka rounds, usa ka antimanong tuo nga kumo ni Inoue ang nakalusot sa bodega ni Ancajas ug mao kini ang nakapaluhod sa gitawag og “Pretty Bo” sa ika-2:16 minutos sa 9th round.

Giangkon ni Inoue nga sa sayo pa, aduna siya’y kabalaka gumikan kay nasayod siya sa abilidad ni Ancajas, kinsa iyang gikonsiderar nga labing lisod niyang kontra.

Apan giklaro ni Inoue nga nakakuha siya og dugang pagsalig sa kaugalingon tungod sa grabe niyang training ubos sa paggiya sa iyang amahan ug maguwang nga si undisputed super bantamweight champion Naoya “Monster” Inoue.

Si Inoue nisaka sa 19-1, 5KOs nga rekord samtang si Ancajas, kinsa kanhi International Boxing Federation (IBF) super flyweight king, nahagbong sa 34-4-2, 23KOs nga baraha.

Laing Pinoy nga si Jonas Sultan ang niluhod sa undercard tungod sa body shot sa usa ka Japanese fighter.

Usa ka piktos nga walang kumo ni Riku Masuda, nga niigo sa kilid nga bahin sa lawas ni Sultan, ang naghuman sa ilang away sulod lang sa 1st round.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph