Gipaundang ni Japanese Naoya “Monster” Inoue sa 7th round si Irishman TJ Doheny aron depensaan ang iyang undisputed world super bantamweight title niadtong Martes sa gabii, Septiyemre 3, 2024, sa Tokyo, Japan.
Human nakatilaw og kastigo sa nag-unang unom ka rounds, si Doheny nihunong pag-away sa nahabiling 2:44 minutos sa 7th round nga tataw nga adunay gipamating sakit sa iyang tuhod.
Pipila lang ka mga segundos, niluhod si Doheny sa iyang kaugalingon ug ning higayuna, giundang na sa referee ang away.
Nagtakiang si Doheny nga nigawas sa ring.
Si Inoue, kinsa nirehistro sa iyang ika-28 nga sunodsunod nga TKO nga kadaugan, nagkanayon nga wala siya nagdahom nga mahuman ang away tungod sa nahitabo ni Doheny.
Nagkanayon ang promoter ni Inoue nga si Top Rank boss Bob Arum, modepensa pagbalik sa Tokyo ang Japanese superstar sa dili pa mahuman ang tuig 2024 ug inig human niini, moaway kini sa Las Vegas, USA.
Nisaka ngadto sa 28-0, 25KOs ang rekord ni Inoue samtang nidakin-as sa 26-5, 20KOs nga baraha. / ESL