Paglabay sa 43 nga tuig human gipatay si kanhi Senador Benigno “Ninoy” Aquino Jr., gihagit ni Senador Bam Aquino ang matag Pilipino nga ipadayon nga buhi ang paglaom sa nasod ug pagbarog batok sa mga pagpang-abuso.
Matod pa ni Senador Aquino nga ang maong pagtulon-an mas iyang nasabtan sa paglabay sa mga panahon ug nahinumdom sa mga panahon nga sila moduaw sa kanhi senador sa dihang nabilanggo kaniadto.
“Kuwento ng mga magulang ko, tuwing dinadalaw raw namin si Tito Ninoy, lagi niyang biro: ‘Paul at Melanie, iwan niyo na si Bam dito para may kasama naman ako,” sigon pa ni Aquino.
Sa kadugayan nasabtan ni Aquino ang gibati nga kamingaw sa iyang uyoan luyo sa komedya. Sulod sa pito ka tuig ug pito ka bulan, nagpabilin si Ninoy sa detensiyon nga nabuwag sa iyang pamilya, apan nagpabilin ang iyang hugot nga pagtuo sa Diyos ug pagsalig sa mga Pilipino.
Matod ni Aquino, mao sab kini ang hinungdan nga nakahukom si Ninoy nga mopauli sa Pilipinas niadtong 1983.
Matod pa niya, ang desisyon sa iyang uyoan nga mopauli sa nasod naghatag ug mas lawom nga kahulogan sa iyang nabantog nga pamahayag nga, “The Filipino is worth dying for.”
“Apatnapu’t tatlong taon na ang lumipas, pero ito marahil ang pinakamahalagang pamana ni Tito Ninoy sa akin: Huwag mawalan ng pag-asa sa Pilipino,” dugang pa niya. / PNA
