Iring gipatay sa sawa; bitin nasikop, namatay

■ PULOS PATAY: Ang iring nga gipatay sa  sawa nga namatay usab samtang gikustodiya sa tag-iya sa iring sa Brgy. Canbanua, lungsod sa Argao, alas 11:00 pasado sa gabii sa Huwebes, Pebrero 1, 2024. / hulagway iya ni Lucil Manila
■ PULOS PATAY: Ang iring nga gipatay sa sawa nga namatay usab samtang gikustodiya sa tag-iya sa iring sa Brgy. Canbanua, lungsod sa Argao, alas 11:00 pasado sa gabii sa Huwebes, Pebrero 1, 2024. / hulagway iya ni Lucil Manila

Human napatay sa usa ka asawa ang usa ka binuhi nga kanding sa Barangay Talaytay, Argao, habagatang Sugbo niadtong Miyerkules sa gabii, Enero 31, 2024, ang labing uwahi usa na usab ka iring nga gibalikusan sa sawa aron tukbon ug kan-on.

Nahitabo kini sa Brgy. Canbanua sa lungsod sa Argao gihapon alas 11 pasado sa gabii sa Pebrero 1, 2024.

Sa follow up interview sa Superbalita Cebu kang Lucil Manila, siya nagkanayon nga sila nahigmata sa dihang ang iyang iyaan nga si Jojo Manila, nga ila ra nga silingan og balay, pwerting singgit og tabang kay may dako’ng sawa nga nakasud sa ilang balay ug nibalikos sa iyang iring.

Ang iring namatay sa pagbalikos ug pagtuok sa sawa niini.

Dali nilang giadto ug gidakop sa iyang igsuon nga si Jay Ar Manila ug mga kauban ang sawa.

Ilang gibaatan ang baba sa packaging tape ug gisu’d sa sako ang halas.

Sa Biyernes unta sa buntag, ilang i-turnover sa Dept. of Environment and Natural Resources (DENR) ang sawa apan namatay kini.

Wa sila masayod sa hinungdan sa pagkamatay niini.

Ang paak sa sawa way la’a apan ang paglikos niini sa iyang mabiktima maoy iyang paagi sa pagpatay. Naila kini nga usa sa matang sa bitin nga constrictor.

Kahinumdoman, usa ka o­­­pisyal sa Department of Envi­ronment and Natural Resources (DENR) nipahinumdom nga dili patyon ang halas, gawas kon na­miligro na ang imong kinabuhi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph