Naugdaw sa sunog ang usa ka panimalay sa Proper 2, Barangay San Vicente, lungsod sa Liloan sa Dominggo sa hapon, Marso 15, 2026.
Ang fire investigator nga si Fire Officer 2 JanRey Garcia sa Liloan Fire Station nagkanayon nga ang balay gipanag-iya ni Juvelyn Brillante.
Nagsugod ang sunog 3:55 sa hapon ug nadawat sa Liloan Fire Station ang taho sa maong insidente paglabay sa upat ka minutos.
Dali kining gisaka sa first alarm pagka alas 4:00, nakontrolar pagka-alas 4:10 ug gideklarang fire out pagka-alas 4:35.
Wa hinuoy gikatahong naangol o nakalas sa maong insidente, gawas sa usa ka iro ang naapil sa sunog.
Gisubay pa ni F02 Garcia ang hinungdan sa sunog. / Paul Lauro (Photos iya ni DMC LILOAN David 13)