Gilusad sa nasyonal nga kagamhanan ang Implementing Rules and Regulations (IRR) sa Expanded Tertiary Education Equivalency and Accreditation Program (ETEEAP) Act niadtong Martes, Hunyo 17, 2025.
Kining programa maghatag og oportunidad sa mga Pilipino nga makakuha og academic degrees base sa ilang mga katakos nga nakuha pinaagi sa kasinatian sa trabaho, non-formal nga pagbansay, ug informal nga edukasyon.
Gipangunahan ni Presidente Ferdinand "Bongbong" Marcos Jr. ang paglusad sa IRR sa President's Hall sa Malacañang.
Gibutyag ni Presidente Marcos nga ang pagpirma sa IRR nagpalig-on sa usa ka mahinungdanong prinsipyo: ang kasinatian sama ka bililhon sa pormal nga edukasyon.
“Because after all, we all understand learning is not confined to the classroom. Often, the most important lessons are learned in the workplace, on shop floors, helping run a family business,” matod sa presidente.
“Each experience in life carries a lesson—which we consider the toughest and most honest teacher,” dugang niya.
Ang ETEEAP nga gipalig-on pinaagi sa Republic Act (RA) No. 12124, nagtugot sa kwalipikado nga mga indibiduwal nga makadawat og academic credits ug makakumpleto sa mga degree nga walay tradisyonal nga pagtudlo sa klasrom. Ubos sa balaod, ang mga aplikante kinahanglang Filipino national, labing minos 23 anyos, ug mga graduwado sa high school nga adunay minimum nga lima ka tuig nga kasinatian sa trabaho nga may kalabutan sa ilang gitinguha nga degree.
Ang programa naglakip sa suporta sa pagpalambo aron matabangan ang mga estudyante nga makab-ot ang academic ug propesyonal nga mga sumbanan sa ilang gipili nga degree.
“Marami tayong mga kababayan na hindi nakapagtapos ng kolehiyo dahil kinailangan nilang magtrabaho—para sa pamilya; para magpa-aral ng kanilang mga kapatid; para tumayong padre o madre de pamilya. Ngunit hindi nawala ang kanilang talino, ang kanilang diskarte, at determinasyon. Kaya naman, sa ilalim ng ETEEAP Act, maaari po nilang gamitin ang kanilang mga karanasan upang makamit ang kanilang diploma,” sumala ni Marcos.
"Through this Act, we now have a clear and structured way to recognize the prior learning of individuals—be it from years of work or because they have taught themselves these skills—and match that with an academic equivalency," siya nidugang.
Ang competency assessment mahitabo pinaagi sa written tests, interview, skills demonstrations, ug portfolio reviews.
Ang mga deputized Higher Education Institutions (HEIs) nga adunay estriktong mga sumbanan sa eligibility maoy magpahigayon sa assessment. / TPM / SunStar Philippines