Sa higayon nga naa ni Dallas Mavericks guard Kyrie Irving ang bola, molanog ang pag-boo sa mga dumadapig sa host Boston Celtics ngadto kaniya.
Kon makamugna og turnover si Irving, abibahan siya sa mga dumadapig sa Celtics.
Duha lang kini sa mga senaryo nga ningkawat og atensyon atol sa Game 1 sa National Basketball Association (NBA) Finals series ning Biyernes, Hunyo 7, 2024 (PH time).
Timailhan nga wala pa gipasaylo si Irving sa mga dumadapig sa Celtics dihang nibiya kini sa team niadtong 2019 playoffs ug nibalhin sa Brooklyn Nets dayon sa Mavericks. / AP