Nasikop sa kapulisan ang usa ka isnatser nga nibiktima sa usa ka babaye’ng tinun-an sa kolehiyo kay siya gisuklan atol sa hitabo sa Dan Junquera, Brgy. San Antonio, dakbayan sa Sugbo, alas 2:45 sa kaadlawon sa Huwebes, Mayo 16, 2024.
Giila ang suspek nga si Eduardo Pesanon Nillas Je, 29, taga Purok Tamsi, Brgy. lungsod sa San Fernando.
Sa imbestigasyon sa Parian Police Station, nasuta nga ang 21-anyos nga biktima nga taga Barangay Bankal, Dakbayan sa Lapu-Lapu City nga si Ma. Si Etienne Therese Maestrado Marimon, naglakaw dihang kalit nga nitungha ang suspek ug gikuha ang iyang pitaka nga dunay sud nga P4,000 cash ug cellphone. Apan gisuklan sa biktima ang suspek.Mao nga naabtan sila ug nasikop nila ni Senior Master Sgt. Charles Parcutilo ug Staff Sgt. Junrey Monacillo nga nag-roving patrol sa maong dapit ang suspek.
Nangayo og pasaylo si Je, matod niya, una niya kini nga krimen. / AYB