76ers, Mavs nakatabla

Parehong natabla ang duha ka conference semifinals best-of-seven series kagahapon, Mayo 9, 2022 (RP time) sa Game 4 sa National Basketball Association (NBA) 2021-22 season.

Sa Philadelhia, nabalikan si James Harden sa iyang kamangtas sa opensa ug gipangulohan niya ang host 76ers ngadto sa kadaugan batok sa Miami Heat, 116-108, sa Eastern Conference.

Si Harden, kinsa kanhi MVP ug scoring champion, nagpakatap og 31 puntos alang sa 76ers samtang nidugang og 24 puntos ug 11 rebounds ang bag-o lang nibalik nga si Joel Embiid.

Napilde ang 76ers sa nag-unang duha ka mga duwa sa series nga wala si Embiid unya sa pagbalik sa usa sa mga kandidato sa season MVP, mingdaog ang 76ers sa nagsunod nga duha ka mga duwa.

Apan alang kang Embiid, wala pa nila napagawas ang tanan nilang ikabuga isip usa ka puwersa.

“I don’t think we’ve played our best basketball,” batbat ni Embiid.

Ang 76ers aduna pa’y laing upat ka mga magduduwa nga nakamugna og dobleng numero nga puntos.

Ang Heat gipangulohan ni Jimmy Butler pinaagi sa iyang 40 puntos, nihatag og 21 puntos si Bam Adebayo samtang nitunol og 15 puntos si Victor Olapido.

MAVERICKS 111, SUNS 101

Sa Dallas, ang host Mavericks ningbuntog og balik sa No. 1 overall team Phoenix Suns sa kombati sa Western Conference.

Balanseng ataki ang gihimo sa Mavericks aron iposte ang kadaugan.

Adunay unom ka mga magduduwa ang Mavericks nga nakapupo og dobleng numero nga kontribyusiyon pinangulohan sa 26 puntos ni Luka Doncic.

Kuyaw sab nga nakaduwa alang sa Mavericks mao si Dorian Finney-Smith, kinsa nimugna og kaugalingon niyang playoff career-high nga 24 puntos.

Ang ningsawop nga Suns gipangulohan ni Devin Booker pinaagi sa iyang 35 puntos.

Usa sa nakitang dakong hinungdan sa kapildihan sa Suns mao ang ilang turnovers.

“I’ve got to look back at it,” matod ni Suns guard Chris Paul, kinsa nakamugna og pito ka turnovers.

“I mean, I can’t put myself in the situation to give them that ability to do that. I’ve just got to look at myself and figure out how to do better.” (AP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph