SAMA sa United States, mopahigayon usab og diplomatic boycott ang Britain, Canada ug Australia sa umaabot Beijing Olympics karong Pebrero, 2022.
Kini gumikan sa giingon nga grabeng pagkatap sa pangabuso nga gihimo sa China.
Ang Britain dili mopadala og ministers sa Winter Games sa Chinese Capital, padayag ni Prime Minister Boris Johnson atol sa parliament.
Ang isyu kalabot sa pagkagusbat sa relasyon tali sa Beijing ug China gumikan sa giingong pag-abuso sa katungod nga nasinati sukad niadtong Tiananmen Square crackdown sa tuig 1989.
Kini naglakip sa persecution sa mga pro-democracy group sa Hong Kong, kanhi British Colony, ug ingon man ang pag-abuso sa tawhanong katungod batok sa mga Muslim minorities sa Xinjiang region.
Si Justin Trudeau, ang Prime Minister sa Canada, mipahibawo nga dili usab sila mopadala og officials sa maong event.
Iyang gitumbok nga ang way hunong nga pag-abuso sa gobiyerno sa China may hinungdan.
Sa sayo pa, ang Australia daan na nga mipahibawo nga dili sila mosalmot. Kining maong desisyon sa tulo ka mga nasod gipagawas human nga mianunsyo ang US sa ilang diplomatic boycott.