ANG kanhi coach sa University of Sto. Tomas nga si Aldin Ayo mahibalik na sa basketball court ug ning higayona adto na sa Maharlika Pilipinas Basketball League (MPBL).
Kini human nga niadtong Miyerules siya ang napilian ug gikuha sa Bicol Volcanoes-LCC isip headcoach sa team. Kini maoy bag-ong panid sa coaching career sa lumad nga taga Capuy, Sorsogon.
Mao usab kini ang iyang ikaduhang higayon sa MPBL sanglit niadtong 2018 siya man usab ang nagdala sa Muntinlupa Cagers-Angeleis Resort sa hamubong panahon.
Ang MPBL mopahigayon og Invitational tournament nga sugdan karong Disyembre 11.
Sa niaging Lakan Cup, ang Volcanoes nga ubo sa pagdumala ni coach Monel Kallos, mitapos sa elimination round nga may 16-14 nga record.
Nasulod man tuod sa playoffs apan igo ra usab nga giharos sa Davao Occidental Tigers-Cocolife sa first round sa Southern Division. (JBM)