FAMILA JIMENEZ
Lindogon, Sibonga, Cebu
Kanunay moduaw ang kamingaw
Ning taliwala sa kagabhion
Kuyog ang mga luha ug panghupaw
Buot itidlom sa kagahapon.
Natawo ang urom sa pagmahay
Nga mipulpog sa gamayng kahayag
Ug kini mituasik namatay.
Wala nay mogilaw nga banagbanag.
Hingpit nang mihabol ang kangitngit
Patay nga damgo na lang ang tanan
Tinalikdan na ang kanhing langit
Sa mga namuwak nga katahuman.
Apan may gilaw sa paglaom sa
dughan
Mihawid sa kutay sa
bag-ong damgo.
May ugma pang moabot sa panumdoman
Uban ang sidlak nga bidlisiw sa adlaw.