Nitunga na sa praktis sa Charlotte Hornets sa labing unang higayon si LaMelo Ball ning Miyerkules, Oktubre 4, 2023 (PH time) human sa kapin sa pito ka mga buwan gikan sa pagkaangol sa iyang tiil.
Naggamit pa siya og ankle braces sa iyang duha ka mga tiil.
Ang 2022 All-Star point guard nakasinati og tulo ka ankle injuries nga maoy hinungdan nga nalimitahan lang siya og 37 ka mga duwa sa miaging season sa National Basketball Association (NBA).
Gipasabot sa 2021 No. 3 overall pick nga gibuhat niya ang tanan kabahin sa iyang pagpaalim gumikan kay naghinamhinam na siyang makabalik pagduwa. / AP