IPAUBOS sa arthroscopic knee surgery si Los Angeles Lakers point guard Lonzo Ball karong umaabot Martes base sa pahibawo sa iyang team sa niaging adlaw.
Mahibaw-an kon pila ka buwan ang recovery period sa sophomore guard human nga makompleto ang iyang operasyon.
Sa pagbakasyon ni Ball, dili gihapon mabintahaan ang point guard sa Lakers sanglit ilang nakuha sa free agency si Rajon Rondo kinsa naila sa pagka-maayong mopasa.
Matod sa taho ni Shams Charania sa Yahoo Sports' nga si Ball na-diagnosed nga naputol ang meniscus sa wala nga tuhod ug gilauman nga mahimsog na kini og balik sa pagsugod sa ilang training camp.
Ang no. 2 overall pick niadtong 2017 wala makapadayon sa season human ang iyang wala nga tuhod nisakit.
Wala kini makaduwa sa 15 games gikan sa Enero 15 ngadto sa Pebrero 15 tungod sa pagkalisa sa iyang medial knee ligament.
Kon dili pa maayo si Ball, ang beterano nga si Rajon Rondo mao una ang moabaga sa Lakes isip point guard alang sa umaabot nga 2018-19 season.
Si Ball aduna'y average nga 10.2 puntos, 7.2 nga assists, ug 6.9 rebounds matag duwa. (HBL)