Batang Gilas gilupig sa Australia

Batang Gilas gilupig sa Australia

Wa makasagang ang Gilas Pilipinas Youth sa rapidong opensa sa Australia Boo­mers atol sa semifinals sa FIBA U16 Asian Cup Doming­go sa buntag sa Al-Gharafa Indoor Hall, Doha, Qatar.

Gilubong sa Australia ang Gi­las Youth og 56 puntos, 92-36, aron moabante ngadto sa championship round. Ang Australia mao ang world No. 4 sa Under-16 nga basketball team.

Naglisod sa opensa ang Gilas Youth, si Irus Chua ug CJ Amos nga adunay unom ka puntos matag-usa mao na ang highest pointers para sa team.

Si Dash Daniels maoy nangu­lo sa Australia nga adunay 12 puntos ug 11 ka rebounds.

Niining pagsuwat, nagduwa ang Pilipinas batok China (10 p.m.) para sa bronze medal, sam­tang ang Australia ug New Zealand nag-ilog sa gold me­dal.

Ang Pilipinas, China, Australia ug New Zealand pulos na nakakuha og slots alang sa FIBA U17 World Cup nga duwaon sa Turkey sunod tuig.

Ikauban nila ang USA, Ca­nada, Argentina, Puerto Rico, Spain, France, Germany, Italy, Lithunia, Guinea, Egypt ug ang host nation Turkey sa mga nasod nga mosalmot sa prestihiyoso nga torneyo. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph