GITANGTANG si Beal Bradley sa US basketball team human kini nagpositibo sa coronavirus.
Mao na unta kini ang unang higayon nga si Bradley makaduwa sa US team sa international competition apan tungod sa maong virus magpabiling damgo alang kaniya ang pagduwa Olympics.
Niini, nangita karon ang USA basketball team og makapuli kaniya. “I’m dying for him,” matod ni coach Gregg Popovich. “We all are.”
Ipaubos usab ang forward nga si Jerami Grant sa health and safety protocols. Wa matino kon si Beal nabakunahan na. Nakaduwa siya isip starter sa tulo ka exhibition games sa US didto sa Las Vegas diin siya nag average og 10.3 puntos.
Ang guard sa Washington Wizards maoy ikaduha sa scoring sa NBA sa karon nga season nga may 31.3 puntos matag duwa, sunod ni Stephen Curry.
Si Bam Adebayo kinsa kauban ni Beal sa kuwarto, mibutyag nga giingnan siya niini nga wa kini makasinati og symptoms.
“It still definitely gives you PTSD, somebody catching Covid,” nagkanayon si Adebayo. “I remember when I had it, just one of those things I wouldn’t wish on anybody.”
Ang US Team aduna pay duha ka exhibition game sa Las Vegs sa dili pa kini molupad paingon sa Tokyo Olympics. Ilang unang ikasangka ang France sa Hulyo 25. (JBM)