Bol-anon nga American Ninja gipili nga board sa Fil-Am Ohio

GIPAHIGAYON ang 2019 election sa mga Pinoy sa State of Ohio kinsa nailhan sab nga Buckeye State sa United States.

Ang kahugpongan sa mga Filipino-Americans gitawag nga Philippine American Society of Central Ohio (Pasco) kinsa gitukod sukad pa niadtong 1974.

Si Tagbilaran City, Bohol-native ug Columbus City-based Rex “Binggoy” Alba napili nga usa sa upat ka mga sakop sa Board of Trustees.

Si Alba, Ohio-based actor, physical therapist ug usa sa mga American Ninja Warrior ug sa samang higayon National Ninja League competitors sa Amerika.

Samtang ania ang ubang opisyal sa Pasco, Rachel Dolor Leindecker (president), Tess Nicolas (vice president-membership), Lyan Gilmore (vice president-cultural), Maria Peachy Cabungcal (secretary), Mat Piamonte (treasurer), Zoe Borja (public relations officer) ug Alma Saddam (property manager).

Samtang gawas ni Alba ang ubang mga napili nga Board of Trustees mao sila si Doctor Cora Munoz, Cecilia Buehler ug Marlinda S. Iyer.

Ang nahisgutang piniliay gidumala ni Tony Paz (ex-Pasco founder and president) nga gipahigayon sa miaging gabii sa Daruma Japanese Steakhouse nga nahimutang sa Columbus, ang capital sa Ohio. (Daniel Quindao Guden, US Correspondent)