TUNGOD ning mga away tali sa ningretiro na nga mga boksidor batok sa MMA figthers o social media stars, hayan nahimo nang circus ang boxing.
Mao kini ang gipabuhagay sa bantugang boxing analyst sa Pilipinas nga si Ed Tolentino.
Ning bag-uhay lang, ang 58 anyos nga si kanhi heavyweight boxing champion Evander Holyfield nasugamak sa 1st round TKO nga kapildihan batok sa kanhi UFC light heavyweight world champion nga si Vitor Belfort.
Sa ninglabay nga mga buwan, adunay mga exhibition bouts sila si Floyd Mayweather Jr., Mike Tyson hasta ang magsuong YouTube superstars nga sila si Jake ug Logan Paul.
“Pro boxing became a circus because we see all these YouTubers (Jake and Logan Paul) and crossover stars. What hurts is that retired boxing legends also got involved because of the allure of money. This is a circus that pro boxing created,” asoy ni Tolentino sa interbyu sa www.gmanews.tv.
“Why? The best world champions would not fight each other and would rather take easy fights for money. Who would want to watch a champion beat up a journeyman? People would rather watch a YouTuber knowing that he cannot box but they do not know what will happen. There is a novelty.”
Gipasabot ni Tolentino nga ang YouTubers ug promotional outfit Triller nakakuwarta og maayo sa boksing tungod kay maayo kining mo-promote sa ilang kaugalingon samtang ang kasagaran sa boxing world champions dili kahibalo niini.
Matod ni Tolentino nga angayan nang mabalaka niini ang tiunay nga mga boksidor ug promoters. (ESL)