GIBALIBARAN ni Jimmy Butler ang $110 milyones nga tanyag sa Minnesota Timberwolves gumikan sa iyang kadismaya sa organisasyon.
Kini sumala pa ni Darren Wolfson sa 5 Eyewitness News human nitanyag og upat ka tuig nga extensyon si Glen Taylor nga maoy tag-iya sa Timberwolves.
Si Wolfson niingon nga gidayeg ni Butler ang maong tanyag apan iyang giklaro nga huwaton lang una niya ang sunod summer nga siguradong modako pa ang maong kantidad hilabi na kon wala siyay injury.
Ang pagbalibad ni Butler nahitabo duha ka semana ang nakalabay human ni-report si Joe Cowley sa Chicago Sun Times nga wala makauyon si Butler sa gipakitang batasan sa iyang teammates hilabi na ni Karl Anthony Towns. (HBL)