Nipakita og aksyon si Miami Heat star Jimmy Butler sa laing natad sa paugnat sa kusog nga iyang gikahiligan nga mao ang tennis ning Huwebes, Agusto 24, 2023 (PH time) sa usa ka charity event sa New York, USA.
Ang maong kalihukan nakatigom og pundo nga $320,000 nga ihatag nga hinabang alang sa Ukraine, nga giataki sa Russia niadtong 2022. Nagpadayon pa ang ilang gubat.
Si Butler, kinsa niagak sa Heat sa National Basketball Association (NBA) Finals sa miaging season, niduwa sa men’s doubles diin kauban niya si Frances Tiafoe, semi-finalist sa niaging tuig sa US Open. / AP