SUGDAN karong adlawa ang Cebu Schools Athletic Foundation Inc. (CESAFI) Pre-Season Tournament sa Cebu Coliseum.
Sa premirong duwa sa alas 2:00 ang takna sa hapon, magsangka ang high school defending champions University of the Visayas (UV) Baby Green Lancers batok University of Southern Philippines (USPF) Baby Panthers.
Mosunod ang engkuwentro sa University of San Carlos (USC) Baby Warriors batok Cebu Institute of Technology University (CITU) Wildkittens.
Sa main game, mag-abot ang USC Warriors ug CITU Wildcats sa college division.
Ang maong usa ka buwan nga torneyo nga gitumong isip usa sa mga preparasyon sa alang sa regular ug tinuig nga Cesafi basketball tournament motapos sa Agusto 12.
Ang kompetisyon salmotan sa mga koponan sa mga nagkalainlaing teams sa mga eskuwelahan nga sakop sa Cesafi.
Kon way kakuli-an, sa bulan sa Agusto sugdan ang lang edisyon sa Cesafi regular basketball competition diha sa Cebu Coliseum. (ESL)