Sila ang mga NBA star nga ang mga hinigugma o kapikas susama usab nilang mga sikat. Ang ilang relasyon parehong gidayeg ug inspirasyon sa fans ug media tungod sa ilang pagmahal ug suporta sa usa’g usa. Sagad nila mga pambato sa nagpadayon karon nga Fiba World Cup.
Jordan Clarkson ug Maggie Lindemann
Si Maggie usa ka bisexual American singer-songwriter nga naila sa iyang 2016 break-out single “Party Girl.” Ang iyang debut album, “Suckerpunch” nigawas sa miaging tuig. Gikumpirmar sa 25-anyos nga pop star sa People ang ilang relasyon sa Fil-Am Utah Jazz player niadtong September 2022.
Austin Reeve ug Jenna Barber
Si Jenna ang high school sweetheart sa L.A Lakers guard. Ang ilang relasyon nagsugod sa Cedar Ridge High School sa Arkansas niadtong 2014 ug samot pa silang nagkasuod karong propesiyonal na. Ang 22-anyos nga dalaga nikatawa sa pagka-link ni Austin kang Taylor Swift nga gihulagway ni Austin nga “all bullsh*t.”
Luca Doncic ug Anamaria Goltes
Ang duha unang nagkahimamat sa edad nga 12. Nagkauyab tuig 2016 apan nagbuwag. Nagkabalik pag-2020 ug niadto lang July 7 dihang gianunsiyo sa Dallas Mavericks Slovenian star ang ilang wedding engagement. Si Goltes, 25, usa ka fashion model, fitness instructor ug social media personality sa Slovenia.
Karl-Anthony Towns ug Jordyn Woods
Gikumpirmar nila ang ilang relasyon sa Instagram niadtong September 2020. Nagkasuod sila sa dihang nagbangutan ang Dominican star player sa pagpanaw sa iyang inahan sa kumplikasyon sa Covid. Si Woods, 25, usa ka TV reality star ug kanhi best friend ni Kylie Jenner nga igsuon ni Kendall Jenner.
Devin Booker ug Kendall Jenner
Si Kendall Jenner, 27, ang American model nga nisikat sa reality TV show nga “Keeping Up With Kardashians.” Apan gi-bash ni siya sa kadaghan niyang naka-date nga basketball players. Apan sa tanan sa Phoenix Suns star player siya nagdugay. Nagselebrar sila sa ilang third anniversary niadtong June.
Dennis Schroder ug Ellen Zolo
Si Ellen, 32, usa ka fashion model ug social media influencer. Ang magtiayong German national gikasal July 20, 2019 ug duna nay tulo ka mga chikiting. “3 kids in only 4 years and already asking for a fourth one...” tipik sa caption ni Ellen sa iyang Instagram post nga gihulagway ni Dennis nga “blessing.”
Al Horford ug Amelia Vega
Ang Dominican national ug 5-time NBA all-star nakasal sa iyang kababayan nga si 2003 Miss Universe Amelia Vega niadtong 2011. Si Amelia nanganak sa ikalima nilang baby sa edad nga 38 niadtong December 12, 2022. Apan ang Boston Celtics star wala moduwa sa Fiba sa personal nga rason.