Gilauman nga sugdan ni Gervonta Davis ang sentensiya sa pagkapriso kagahapon human gilangan ang iyang silot aron iyang ikaaway si Ryan Garcia.
Bisan pa, ang usa ka taas nga termino sa pagkabilanggo alang kang Davis wa nadayon tungod sa daghang mga panghitabo.
Human nakadaug sa iyang gipaabot nga sangka ni Garcia niadtong Abril 23, gituohan nga ang prisohan maoy seguradong sangkoan sa boksidor nga taas kaayo og talento, apan nausab na kini karon.
Si Davis niuyon nga makigsangka kang Garcia sa usa ka blockbuster fight ubos sa probisyon nga ang iyang katapusan nga hearing sa kaso mahitabo sa pagkahuman sa away.
Gipaabot unta nga ang Davis vs. Garcia mahitabo sa ulahing bahin sa tuig 2023.
Ang maayong balita alang sa boxing fans mao nga gilangan sa iyang dapit diin siya natawo ang sentensiya hinungdan nga nahimong posible ang away.
Ang kanhi mentor nga si Floyd Mayweather nagbuhat og susama niadtong 2012 sa wala pa makig-away kang Miguel Cotto.
Kini nga opsyon mao lamang ang paagi sa pagluwas sa away sa Las Vegas sa unang quarter sa 2023.
Ang lumad nga taga Baltimore gisultihan sa usa ka huwes niadtong Septiyembre sa pagserbisyo niya sa bilanggoan dili paigo.
Si Davis gisentensiyahan lamang og 90 ka adlaw nga pagkabilanggo sulod sa ilang balay ug nalikayan niya ang pagkabilanggo sa usa ka correctional facility.
Kinahanglan usab siyang moserbisyo og tulo ka tuig ilawom sa probation ug moboluntaryo sa 200 ka oras nga walay bayad nga community service gumikan sa usa ka hit-and-run nga aksidente sa iyang lungsod nga natawhan niadtong Nobiyembre 2020.
Kay niangkon nga sad-an niadtong Pebrero 16 ngadto sa upat ka counts, si Davis mahimong silutan og tag usa ka tuig nga mapriso sa iyang kaso.
Si Davis nakaangol og upat ka mga tawo sa aksidente. Iyang gibayran ang tulo sa mga biktima.
Ang pay per view star nag-atubang sa laing hearing sa Mayo 26 gumikan sa pagpamun-og. (PAC)