WALA pa mawagtang hangtod karon ang padayeg ni boxing legend ug Golden Boy promoter Oscar de la Hoya ngadto sa boksidor nga maoy nagpahunong sa iyang kalibutan sa boksing pinaagi sa TKO niadtong 2008.
Si Manny Pacquiao gihulagway ni de la Hoya kinsa maoy promoter sa maong away batok ni Lucas Matthysse nga dihang iyang gika-engkwentro ang Pambansang Kamao sa Pilipinas aduna kini talagsaon nga abilidad.
"Pacquiao has a very unique style. When I fought him, I thought he was going to get tired. He never got tired. So, I don't know what Pacquiao we are going to see for this fight," padayag ni de lo Hoya, kinsa nahilam-os sa kumo ni Pacquiao, 10 na katuig ang nakalabay.
Apan matod pa sa Golden Boy nga wala siya nahibawo kon unsa na karon ang abilidad ni Pacquiao sanglit daghan na kini og trabaho human nisulod sa pulitika. (PAC)