Di na makita sa Dominggo, Hulyo 23, ang binukbokay nila ni Nonito “The Filipino Flash” Donaire ug Mexican contender Alexandro Santiago alang sa bakanteng WBC bantamweight world championship.
Adto na kini makita sa Showtime PPV isip undercard sa kampyonatong unification bout nila Errol Spence Jr. batok Terrence Crawford sa Hulyo 30, Dominggo, sa Premier Boxing Champions events sa T-Mobile Arena sa Las Vegas.
Ang away nila ni Donaire ug Santiago, nga orihinal nga gitakdang ipahigayon sa Hulyo 15, mao ang ikaduhang away sa pay-per-view. Ang unang gipahibawo nga away nila ni Gurgen Hovhannisyan ug Viktor Faust gitangtangtang human si Faust napugos sa pag-withdraw tungod sa back injury.
Usa sa labing maayong boksidor nga aktibo pa, si Donaire (42-7, 28 KOs) nilangkat og mga titulo sa flyweight, bantamweight, super bantamweight ug featherweight.
Mosuway na sab siya paglangkat og titulo human niya kini nakuha niadtong Mayo 2021 pinaagi sa pagtumba kang Nordine Oubaali apan napilde sab siya ni Naoya Inoue sa ilang rematch sa Hunyo 2022.
“I’m thrilled to have the opportunity to become a world champion once again on an already historic night for boxing,” matod ni Donaire sa taho sa boxingscene.com. “I’m thankful to my team for this opportunity and I’m going to do everything I can to make the most of it. We’re working really hard on defense and being as fast as possible. It’s been an amazing camp and I can’t wait to get in the ring.”
Lumad sa Tijuana, Baja California, Mexico, si Santiago (27-3-5, 14 KOs) moaway sa unang higayon sa korona sa bantamweight human sa iyang tulo ka sagunson nga mga kadaugan human siya gipilde pinaagi sa majority ni Gary Antonio Russell sa Nobiyembre 2021.
“I have been waiting five years to get another world title opportunity, so another two weeks is nothing,” sulti ni Santiago sa boxingscene.com. “I’m still focused and working hard. The objective and target is still the same. I’m very fortunate and would like to thank my team for this great opportunity to be part of such an amazing event on July 29.” (REV)