Eight-division titles ni Pacquiao lisod tupngan: Peñalosa

Lisod nga matupngan ang nahimo ni Manny Pacquiao isip eight-division world boxing champion.

Kini maoy pangagpas ni kanhi Gerry Peñalosa, kinsa kanhi usab world champion, atol sa interview sa Sports Ta Bai sa Radyo One Cebu 90.1 Cebu kagahapon.

Matod ni Peñalosa, nga dili lalim alang sa usa ka boxer ang pagsaka ngadto sa lainlaing division aron ma-champion.

Gawas niini, lisod tuohan nga mapildi ni Pacquiao ang mga banggiitang sa mas bug-at pa niya og timbang sama nila ni Oscar De La Hoya ug Antonio Margarito.

“Lisod makuha na iyang eight-division champion kay kon imong hunahunaon morag imposible from flyweight hangtod sa super welterweight 154 (lbs). Nya ang iyang giaway sila pa si (Oscar) De La Hoya, Margarito. Si De La Hoya 5-10 nya 5-6 lang siya, si Margarito 5-11 or 5-10 1/2. So morag imposibli kaayong mapildi niya nang mga tawhana,” matod ni Peñalosa, ang suod ug kompare usab ni Pacquiao.

Hinuon, ingon ni Peñalosa, nga dako kaayo og nahimo ang promoter ni Pacquiao nga si Bob Arum sa boxing career sa fighting senator.

“Although dako kaayo ang part ni Bob Arum as his promoter nga gi-guide gyud siya og maayo. Dako gyud kaayo og tabang si Bob sa boxing career ni Manny. And we are very thankful to that kon unsay achievement ni Manny.

“Sa akong tan-aw maglisod siya kon unsay naabot niya karon kon wala si Bob Arum. Of course guided siya sa Ginuo, mora sab og gibutang niya si Bob ug siya nay bahala unsaon niya pagdala ni Manny.

Gisaysay ni Peñalosa nga niadtong panahon niya, siya mismo ang mihangyo ni Pacquiao nga maoy iyang ka sparring partner ug didto nagsugod ang ilang panagsuod.

“Naa koy away ato unya ganahan ko siya akong sparring partner kay pareha man niya og estilo akong kontra. Nya ako siyang giingnan nga daghan kang makuha nako nga experience kon mo okay ka, dad-on tika sa Baguio, matod ni Peñalosa.

“Naa mi sa Manila ato, nya ako siyang giingnan nga duna koy mga idea o trick nga makatabang nimo. Gamay ra akong fee nimo pero ang experience nga makuha nimo diri nako, dako. Mao sab to akong gihimong convincing power aron mosugot siya, dugang ni Peñalosa. “Nalipay sab ko kay misalig gilayon siya nako, so didto nagstart ug na build ang among friendship.”

Si Peñalosa kansang amahan ug mga igsuon boksidor usab, natawo sa San Carlos City apan nagtubo sa dakbayan sa Sugbo.

Nahimo siyang two-weight divison world champion ug nakaangkon usab siya sa WBC ug lineal super flyweight title niadtong 1997-1980.

Dala ang 55-8-3 nga record, si Peñalosa kinsa misulod sa pagka professional fighter niadtong 1989 miretiro niadtong 2010. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph