Ex-Lancer apil sa PBA rookie draft

Nahilakip ang produkto sa University of the Visayas (UV) Green Lancers nga si Rhaffy Octobre sa 75 ka mga magduduwa nga nagpalista sa umaabot nga rookie draft sa Philippine Basketball Association (PBA).

Si Octobre mas nailhan sa dihang nagduwa siya sa Cebu City Sharks sa Maharlika Pilipinas Basketball League (MPBL) sa wala pa ningkuyanap ang pandemya.

Ang 6’4” usa sa mga sinaligan sa Sharks ug hasta sa Green Lancers.

Sa laing bahin, nagkanayon si PBA Commissioner Willie Marcial nga tungod sa pandemya, wala siya nagtuo nga moabot og 75 ang nagpalista sa rookie draft nga gikatakda karong Mayo 15, 2022 sa Robinsons Place Manila.

“Actually, hindi ko inexpect na aabot ng 75 dahil sa pandemic at iba pang factors; mga 50 of 60 lang ang estimate ko after nung record 90 last season,” asoy ni Marcial. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph