Fajardo lakip sa mikulit og history sa Asiad

Ang higante nga lumad taga lungsod sa Pi­na­mungajan, Cebu nga si June Mar Fajardo mipada­yag sa iyang kalipay sa social media human makuha sa Gilas Pilipinas ang gold medal sa 19th Asian Games didto sa Hangzhou, China.

Mi-post ang produkto sa Uni­versity of Cebu (UC) sa social media og hulagway niini nga gapaak sa iyang gold medal nga adunay caption: We Golden Men! #GilasPilipinas #AsianGames2023.

Gihangop og gidumog da­yon kini og congratulatory message sa netizens.

“Job well done, Idol,” ko­mento pa sa usa ka ne­tizen. “One of the reliable big man of Philippine basketball. Congrats, Abai. One for the history book,” dugang pa sa lahi nga netizen.

Si Fajardo, 6-time PBA Most Valuable Player ug 9-time champion, usa sa solido nga pwersa sa Gilas Pilipinas sa ilawom nga nakigbatok sa mga higanteng pla­yers sa Asya.

Kauban ni Fajardo sa Gilas Pilipinas mao sila Justin Brownlee, Scottie Thompson, Ja­peth Aguilar, CJ Perez, Kevin Alas, Calvin Oftana, Ange Koua­me, Chris Newsome, Chris Ross, Ar­vin Tolentino ug Marcio Lassiter.

Sila gipangulohan ni Tim Cone kauban ang coaching staff nga si Richard Del Rosario, Jong Uichico, Josh Reyes, LA Tenorio ug Patrick Partosa.

Si Alfrancis Chua mao ang team manager ug Willie Marcial ang deputy team manager. Gipil­de sa Gilas Pilipnas ang Jordan sa gold medal game.