Gipahugtan sa mga pambato sa San Miguel Beermen nga sila si JuneMar Fajardo ug CJ Perez ang ilang paggunit sa top two spots sa inilugay sa Best Player of the Conference (BPC) award sa 2022 Philippine Basketball Association (PBA) Philippine Cup.
Si Fajardo, kinsa lumad nga taga lungsod sa Pinamungajan, Cebu, nagpabiling nag-una sa listahan pinaagi sa iyang natigom nga 42.7 statistical points nga gikan sa iyang averages nga 17.9 puntos, league-best 13.3 rebounds, 3.7 assists, 1.1 steals ug 1.5 blocks.
Nagsunod si Perez, kinsa nakarehistro og 39.7 SPs nga gikan sa iyang averages nga 17.5 puntos, 7.4 rebounds, 6.0 assists, ug 2.4 steals.
Kining maong mga numero natali ni Fajardo ug Perez human sa ilang kampanya sa quarter-finals.
Ang nagsunod nga tulo sa listahan mao ang mga pambato sa Brgy. Ginebra Gin Kings nga sila si Scottie Thompson, Japeth Aguilar, ug Fil-German Christian Standhardinger.
Si Thompson, kinsa maoy kasamtangang MVP, adunay 37.8 SPs, si Aguilar mitali og 33.1 SPs samtang si Standhardinger adunay 32.8 SPs.