GIPABUHAGAY ni Tyson Fury nga dili siya mapul-an ug padayon niyang kulatahon si Deontay Wilder kon madayon ang ilang trilogy alang sa World Boxing Council (WBC) heavyweight title.
Human sa kontrobersyal nga panagtabla sa premiro nilang away niadtong Disyembre, 2018, si Fury nagbangis sa ikaduhang away niadtong Pebrero, 2020 ug gibukbok niya’g insakto si Wilder sa iyang pagposte’g 7th round TKO nga kadaugan.
Bisan sa iyang nasinati sa ikaduhang away, si Wilder nakadesisyon nga gamiton gihapon niya ang rematch clause sa iyang kontrata.
Tungod niini, malangan pa ang gikaintapang away unification bout nila ni Fury ug Anthony Joshua, kinsa maoy tag-iya sa World Boxing Organization (WBO), International Boxing Federation (IBF) ug World Boxing Association (WBA) heavyweight titles.
Gikatakda unta karong Hulyo 18 ang trilogy nila ni Fury ug Wilder apan nauswag kini sa wala pa matino nga petsa gumikan sa pagkuyanap sa makalilisang nga coronavirus disease (Covid-19).
“I’ll be obliged to give him a bit more,” matod ni Fury. “You never tire of beating Deontay Wilder. It’s one of those things you take great pride in doing. I really did what I said I was going to do and not many people, in boxing especially, say something and then do exactly what they were going to do.”
Nagkanayon ang wala’y pildeng si Fury nga naghinamhinam na siyang masumpo sa hingpit ang Covid-19 aron madayon na ang ilang trilogy ni Wilder.
Taliwala sa kasamtangang sitwasyon sa kalibutan, nagkanayon si Fury nga padayon siyang nag-ensayo pinaagi sa fitness sessions broadcast sa Instagram Live aron magpabilin siyang kondisyon.
“It helps me stay in shape and helps many, many people out there who join in from all over the world,” dugang ni Fury.
“I’m very, very grateful that I can have an input on helping people with their fitness and mental health problems during these lockdown times.” (AFP, ESL)