Gipangulohan ni kanhi NBA stars Manu Ginobili ug Marques Johnson, college coach Bob Huggins ug former WNBA star Swin Cash sa paggilakgilak sa 11 ka finalists para sa Naismith Memorial Basketball Hall of Fame class of 2022.
Ang laing mga finalist nga gianunsyo kagahapon gilangkuban nilang former NBA players Michael Cooper ug Tim Hardaway, former NBA coach George Karl, NBA referee Hugh Evans, former WNBA player Lindsay Whalen, former college ug current WNBA coach Marianne Stanley ug former girls high school coach Leta Andrews.
Ang mga inductees ianunsyo karong Abril 3 sa NCAA Final Four sa New Orleans ug ang enshrinement ipahigayon karon Septiyembre 10 ug 11 sa Springfield, Massachusetts.
“It is a tremendous honor to be named a Finalist for the Basketball Hall of Fame and we’re elated to recognize the achievements by these outstanding men and women who have left a lasting impact on the game of basketball,” matod ni Jerry Colangelo, chairman sa Naismith Memorial Basketball Hall of Fame.
Ang finalists kinahanglan nga makadawat og 18 gikan sa 24 ka boto gikan sa Honors Committee for election para sa Hall of Fame.
Si Ginobili kaupat nahimong NBA champion samtang aktibo pa siya sa San Antonio Spurs ug nigiya sa Argentina sa gold medal niadtong 2004 Summer Olympics.
Si Johnson sa iyang bahin kalima nahimong All-Star sa Milwaukee Bucks ug national college player of the year awardee sa UCLA niadtong 1977.
Si Huggins, maoy kasamtangang coach sa West Virginia, ug maoy nigiya sa teams sa 25 NCAA Tournament appearances apil na ang Final Four berths niadtong 1992 (Cincinnati) ug 2010 (West Virginia). (PAC)