GITANYAGAN ni boxing promoter Jake Paul og $15 million matag usa ang Hollywood actors nga sila si Will Smith ug Chris Rock aron ipahungaw nila ang ilang panagbikil pinaagi sa pagsumbagay ibabaw sa boxing ring.
Kini human gisagpa ni Smith si Rock atol sa Oscars awards ceremony niadtong Lunes, Marso 28, 2022 (RP time) sa Dolby Theatre sa Los Angeles, California, USA.
Niadtong higayuna, si Smith nisaka sa entablado ug wala damhang gisagpa niini si Rock.
Nasuko si Smith dihang nibuhi og komedya si Rock kabahin pagtambong sa iyang asawa sa televised cetermony.
“I got $15m for Will Smith and $15m for Chris Rock ready to go,” pamahayag ni Paul sa Twitter nga napatik sa www.gmanews.tv.
“Let’s do it in August on my undercard. Someone get me on the phone with Will Smith’s boxing representative ASAP.”
Nakahunahuna si Paul niini gumikan kay ubay-ubay na sab nga celebrities ang nagsangka sa boxing ring.