Kon molampos siya sa umaabot niyang tahas, nagtuo si World Boxing Organization (WBO) bantamweight champion Filipino Jonhriel Casimero nga mosamot og kahadlok kaniya ang gitawag og ‘Japanese Monster’ nga si Naoya Inoue.
Si Casimero gikatakdang makigharong kang World Boxing Association (WBA) champion Cuban Guillermo Rigondeaux karong Agusto 14, 2021 sa Amerika sa usa ka unification bout.
Nanghinaot si Casimero nga kon modaog siya ning awaya, hayan ikaharong na niya si Inoue nga maoy gipangandoy niyang away.
Apan giangkon ni Casimero nga kuli nga mahitabo ang iyang pangandoy nga away.
“Naku, lalong hindi na natin makukuha si Inoue. Lalong magtatago na iyon, pag natalo natin si Rigondeaux,” matod ni Casimero sa interbyu sa ABS-CBN News.
“Kasi alam natin si Rigondeaux hindi yan easy na boxer. Tinalo niya ‘yung idol din natin na si Nonito Donaire.” (ESL)