Kai gustong moduwa sa San Antonio

Kahinumdoman nga niadtong 2020, gipadayag sa batan-ong Pinoy nga higante nga si Kai Sotto nga kon siya lang ang matuman, gusto niyang moduwa sa San Antonio Spurs sa National Basketball Association (NBA).

Matinuod kaha ang pangandoy ni Sotto karong Hunyo 23, 2022 atol sa NBA Draft diin usa ang 20 anyos ug 7’3” nga basketbolista sa mga nangandoy nga makasulod sa liga?

Gipasabot ni Sotto nga nagdako siya nga nag-idolo kang Spurs legend Tim Duncan.

Kon kuhaon man gani siya sa Spurs, adunay kahigayunan si Sotto nga matudloan sa iyang idolo.

“I really look up to Tim Duncan. I always see him as this player that doesn’t need to trash talk his opponents, doesn’t complain – that’s just me,” matod ni Sotto nga napatik sa www.kens5.com.

“Seeing him always locked in, and he’s a winner. That’s what I want to be.”

Sa umaabot nga draft, ang Spurs adunay ubay-ubay nga kahigayunan nga makapili.

Sila ang tag-iya sa katungod sa No. 9 overvall pick, duha sa ulahing bahin sa 1st round ug usa sa 2nd round.

Nagpasabot kini kon interesado ang Spurs kang Sotto, dako sila’g kahigayunan nga makuha si Sotto.

Ang agent ni Sotto nipabuhagay nga adunay team sa NBA ang nipasalig nga mokuha kang Sotto. Dili ba kaha kini ang Spurs?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph