Kanhi mga magduduwa sa bantugang Toyota Super Corollas magtapok karong Sabado alang sa usa ka gabii nga paghandom aron pagtimaan sa golden anniversary sa pagkatukod sa usa sa labing maayong team sa Philippine basketball history.
Si Gil Cortez, unang Rookie of the Year awardee sa PBA sa 1976 ug chief organizer sa grand reunion, niingon nga ang Super Corollas nga lokal ug naa na sa abroad motambong, mga 50 ka tuig sukad gitukod ang team ni Dante Silverio, taho sa Spin.ph.
Si Silverio, ang longest-serving coach sa Corollas, ug ang players ubanan sa mga higala, media ug supporters sa team nga nidaug og siyam ka PBA championships -ikaunom gihapon sa labing daghan sa kasaysayan sa pro league.
Sa nagdagan ang katuigan, namugna ang panagribal sa Super Corollas tali sa Crispa Redmanizers ug nahimong pinuy-anan sa umaabot nga mga legend nga sila si Robert ‘Sonny’ Jaworski, Mon Fernandez, Francis Arnaiz, Abe King, ug Arnie Tuadles.
Matud ni Cortez nga daghang mga player ang ningkompirmar nga motambong nga naglakip kanila ni four-time PBA MVP Mon Fernandez, Chito Loyzaga, Ompong Segura, Pol Herrera, Emer Legaspi, Ed Camus, ug overseas-based Nat Canson.