Kumo maoy patubagon ni Crawford

Giangkon ni American Terence Crawford nga gihasulan siya dihang giubos og tan-aw ni Mexican Saul Canelo Alvarez ang iyang rekord basi sa kalidad sa iyang mga nakontra.

Gipasabot ni Crawford nga aduna sab unta siya’y ikasaway ni Alvarez kabahin sa mga nakontra niini apan iyang giklaro nga dili kini niya buhaton ug ang iyaha nga mga kumo ang motagawtaw inig abot sa adlaw nga magharong sila ibabaw sa ring.

“Me and him gotta fight. I’m not fighting his resume. I’m not fighting the guys that he fought, none of that, so I’d rather keep it straight about Canelo,” matod ni Crawford sa interbyu sa Big Fight Weekend/Fight Freaks Unite Review Podcast nila ni Dan Rafael ug TJ Rives.

Ang gikahinamang binukbokay sa duha ka mga boksidor ipahigayon karong Septiyembre 13, 2025, sa Las Vegas, USA.

Si Crawford adunay 41-0, 31KOs nga rekord samtang si Alvarez naggunit og 63-2-2, 39KOs nga baraha. / Gikan sa wires