Kusog sa Filipino KO artist masukod batok ni Donaire

MASUKOD kon unsa ka kusog og kumo ang Filipino knockout artist nga si Reymart Gaballo sa iyang pag-challenge sa kababayang si World Boxing Council (WBC) bantamweight champion Nonito “The Filipino Flash” Donaire karong Disyembre 11, 20-21 sa wala pa matino nga venue.

Si Gaballo, kinsa adunay impresibong 24-0, 20 KOs nga rekord, hinayhinay nang naila nga usa ka knockout artist apan alang sa beteranong boxing analyst nga si Ed Tolentino, kinahanglang pang matugkad kon unsa gyud ang kapabilidad niini hilabi na batok sa sama og kalidad ni Donaire.

Gipasabot ni Tolentino, naintriga siya kon unsa gyud ka kusog sa mga kinumo ni Gaballo.

“I am very intrigued with the power of Gaballo. In fact, that is his asset. The way I see it is he would keep coming forward, but he has to throw combinations and not just a one-two that Donaire would read,” asoy ni Tolentino nga napatik sa www.gmanews.tv.

Si Gaballo, kinsa nag-edad og 25, gikan sa kontrobersyal nga split decision nga kadaugan batok kang Puerto Rican Emmanuel Rodriguez niadtong Disyembre, 2020.

Basi ning awaya, nagkanayon si Tolentino nga daghan pang angay hashason sa abilidad ni Gaballo. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph