Laing Dennis Uy sa PBA?

Posible nga adunay laing Dennis Uy nga makapanag-iya og PBA team.

Nitumaw ang maong kasayuran human ang taga Pampanga nga bilyonaryo kinsa maoy founder sa Coverge ICT Solutions nga si Dennis Anthony Uy nahibaw-an nga maoy usa sa mga interesado nga mopalit sa prangkisa sa Alaska Aces ni Wilfred Uytengsu.

Si Uy pareha og ngalan sa tag-iya sa Phoenix Fuel Masters nga gipanag-iya sa iyang kauban nga bilyonaryo nga si Dennis Uy apan silang duha dili kaliwat.

Ang Davao based businessman maoy nakapalit sa prangkisa sa Baraku Bull niadtong 2016.

Ang mga league insiders nagkanayon nga si Uy maoy usa sa tulo ka mga seryusong pumapalitay sa 35 ka tuig nga prangkisa sa Alaska, kansang negusasyon nagpadayon hangtod karon.

Ang laing interesado mao si Anita Lee Kaw, ang tag-iya sa Family’s Brand Sardines ug ang usa wala pa nganli.

Apan ang Converge adunay malisod nga alkontra sanglit ang PBA adunay tulo ka teams nga gipanag-iya ni Manny Pangilinan nga gilangkoban sa TNT Tropang Giga, Meralco ug NLEX ilawom sa PLDT Group.

Ang pagbaligya sa PBA franchise nagkinahanglan og 2/3 vote gikan sa league board kun 8 gikan sa 12 ka board members ug aduna say lockout provision nga naghatag sa member teams sa katungod sa pag-veto sa aplikasyon sa mga direktang kompetensiya.

Ang Alaska franchise gibana-banang nagkantidad og P100 milllion matod sa mga tawo nga nakahibawo sa negusasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph