SA tinguha nga mapalig-onan ang ilawom nga bahin, ang Cebu City Sharks- Ethyl Rubbing Alcohol nakakuha og Sugboanon nga bigman atol sa dispersal drafting sa Maharlika Pilipinas Basketball League (MPBL) nga gipahigayon sa niaging adlaw.
Ang kanhi sentro sa University of the Visayas nga Edrian Lao maoy nahimong second pick sa Cebu ug gilauman nga makatabang sa Sharks ni coach Norberto “Titing” Manalili kinsa nangiwith sa Southern Division nga may 2-8 nga baraha.
Si Lao gikan sa Davao Occidental Tigers apan nalakip sa dispersal.
Niadtong Oktubre 6, ang Sharks mipakaging sa Makati Scrappers sa duwa nga gipahigayon sa University of San Jose Recoletos Basak Campus gym aron irehistro ang ilang ikaduhang daog sa napulo ka duwa.
Si coach Manalili sa sayo pa nagkanayon nga ang kakuwang og bigmen nga makatapak sa haw-ang sa ilawom nga bahin maoy ilang gipangita human nga gibuhian nila ang beteranong kanhi PBA player nga si Jondan Salvador.
Nagtuo si Manalili nga ang presensiya ni Lao maoy makatabang og dako kanila. Ikauban ni Lao og balik sila Harold Cortes ug si Raffy Oktubre nga mga kanhi usab sakop sa UV Lancers.
Karong Nobiyembre 17, ang Sharks gikatakda nga mobalik dinhi sa Sugbo og duwa. JBM