Sukdon ang katakos sa Gilas Pilipinas sa ilang pakigharong sa New Zealand sa FIBA World Cup Asian Qualifiers sa Smart Araneta Coliseum karong gabie.
Mao kini ang unang dako nga tahas sa national team human sila nidaog pinaagi sa forfeit batok South Korea ug paglampornas sa India.
Ang New Zealand, ranked No. 27 sa world basketball, nipakita sa ilang kabangis sa dihang ilang gilat-an ang India, 101-46, sa opening game sa Pool A niadtong Huwebes.
Medyo inilog ang ang New Zealand sa maong panagtagbo kon basihan ang 2017 Fiba Asia Cup ug 2019 World Cup.
Mitapos ang Kiwis sa fourth place luyo sa Australia, Iran ug South Korea sa Asia Cup samtang ang Pilipinas anaa sa ika-pito nga pwesto. Sa World Cup, ika-19 ang New Zealand samtang ang Pilipinas anaa sa No. 32 o uwahi nga pwesto.
Niadtong Biyernes, midaog ang Pilipinas batok India, 88-64, luyo sa mga kamot ni Roger Pogoy, Robert Bolick, Dwight Ramos ug Thirdy Ravena. (RSC)