Lola, 74, Mobile Legends gamer

LOLA GAMING. Mao kini si lola Carmen Tagueba, ang 74 anyos nga bantugang Mobile Legends gamer ug streamer sa Pilipinas. Aduna siya’y 145,000 ka followers. /LOLA GAMING FB PAGE
LOLA GAMING. Mao kini si lola Carmen Tagueba, ang 74 anyos nga bantugang Mobile Legends gamer ug streamer sa Pilipinas. Aduna siya’y 145,000 ka followers. /LOLA GAMING FB PAGE

Naila si Carmen Tagueba, 74, alyas “Lola Gaming” sa iyang Facebook page, nga maoy labing edaran nga Mobile Legends gamer ug streamer sa Pilipinas.

Basi sa iyang FB page diin aduna siya’y 145,000 ka followers sa kasamtangan, si Tagueba taga Quezon City.

Nagkanayon siya nga nagsugod ang iyang pagkahilig sa ML niadtong 2020 atol sa pagkuyanap sa pandemya.

Dihang nag-lockdown ang nasod gumikan sa coronavirus, nagkanayon si Tagueba nga gilaay siya gumikan kay nagpundo na lang siya sa ilang panimalay.

Tungod sa kalaay, nagkanayon si Tagueba nga nahatagan niya og atensyon ang ML nga maoy gikalingawan pagduwa sa iyang mga apo.

“Nagtitinda talaga ako. Tindera ako ng mga ulam na nilalako ko. Pero noong nagkaroon ng pandemic, nakikita ko yung mga apo naglalaro ng mga ganyan, ML,” batbat ni Tagueba sa interbyu sa Spin.ph.

“Syempre naiinip ako sa bahay, hindi na ako pinapalabas dahil sa pandemic, nandito na lang ako sa bahay, kaya sinubukan kong maglaro.’

GIKATAW-AN SI LOLA GAMING

Matod ni Tagueba nga sa premiro, gikataw-an lang siya sa iyang mga apo.

Giangkon niya nga sa una niyang pagduwa sa ML, naglibog siya apan gidasig siya sa iyang mga apo nga mopadayon lang hangtod nga iya na kining nasinati.

Niabot ang panahon nga gikahinaman na ni Tagueba ang ML kay nawagtang ang iyang kalaay ug daghan pa siyang nahimong kaila bisan sa online lang.

Ang unang giduwaan ni Tagueba sa ML mao pa lang ang Classic Matches apan tungod sa pagdasig ug pagtudlo sa iyang mga apo ug hasta sa iyang viewers, nisuway na siya sa Ranked Games.

GISAWAY SI LOLA GAMING

Apan gibutyag ni Tagueba nga nakadawat siya og mga pagsaway dili lang tungod kay edaran na siya nga nagduwa sa ML kon dili hasta sab sa iyang kabanga moduwa niini.

“Bobo ka!” usa sa mga pagsawat nga nadawat ni Tagueba.

Apan gitataw ni Tagueba nga wala niya kini gipanumbaling.

Pila ra’y dagan sa estorya, nahanas si Tagueba ug usa na siya sa labing iladong ML gamer sa nasod ug tungod sa kadaghan sa iyang followers, nakadawat siya og mga pahalipay gikan sa Facebook lakip na niini ang Facebook stars nga mahimong i-convert sa cash.

Tungod niini, nakaingon si Tagueba og “Maglalaro ako forever.” / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph