GIPABALIGYA sa magtiayong sila si Manny ug Jinkee Pacquiao ang ilang luhong mansion sa Forbes Park, taho sa Spin.ph.
Ang maong kabtangan sa magtiayong Pacquiao kasamtangang nakalista sa Presello.com, usa ka real-estate firm nga nabantog sa pagbaligya og multi-million mansions sa Metro Manila.
Ang website mihulagway sa mansion nga “a very tropical modern feel with a touch of elegant resort-like vibe.”
Ang mansion, nga nahimutang sa 2,000 square meter nga luna ug adunay upat ka mga garihian, nagbalor og P1.5 billion.
Napalit sa magtiayong Pacquiao kining maong mansion sa kantidad nga P388 million niadtong 2011 ug misaka ang balor niini sa pagdagan sa panahon. (ESL)