NAKAKITA og pamaagi ang full-time athletes nga sama sa running couple nga sila si Azlan Pagay ug Ruffa Sorongon aron magpabiling aktibo ug mabungahon ang ilang matag adlaw taliwala sa gipatumang community quarantine nunot ning coronavirus disease (Covid-19) pandemic.
Kaniadto, sila si Pagay ug Sorongon nagsalig sa matag semana nga running events alang sa ilang panginabuhian apan nausab ang tanan dihang nangakanselar o kaha nanga-uswag ang running events.
Maayo na lang kay nakatukod sila og gamay nga piggery sa City of Naga gikan sa ilang mga kita sa nagkadaiyang running events.
Ang kita sa ilang piggery maoy gisandigan nila ni Pagay ug Sorongon ning panahon sa krisis.
Sa kasamtangan, pareho unang minghunong sa pag-training ang live-in partners ug plano nilang mobalik kon mahimo na sab normal ang sitwasyon. (RSC, ESL)