Marcial nagpabiling wa’y pilde

     NAGKADUGO: Bisan pa man sa gisi sa iyang wala nga mata, nakamaniho gihapon ngadto sa kadaogan si Eumir Marcial. / Hulagway gikan sa Facebook page ni Eumir Marcial
NAGKADUGO: Bisan pa man sa gisi sa iyang wala nga mata, nakamaniho gihapon ngadto sa kadaogan si Eumir Marcial. / Hulagway gikan sa Facebook page ni Eumir Marcial

Bisan pa man sa dako nga gisi sa iyang tuo nga mata, nakahimo pa gihapon sa pagkuha sa kadaogan ang Filipino boksidor nga si Eumir Marcial batok sa mas taas nga si Steven Pichardo sa Dignity Health Sports Park sa Carson, California kagahapon.

Gilupig sa 26-anyos Olympic bronze medalist Marcial ang mas taas nga 6-foot-1 nga Amerikanong si Pichardo pinaagi sa unanimous decision sa ilang sixth-round middleweight nga away.

Ang judges nga sila James Green, Ivan Guillermo ug Ellis Johnson pulos mipabor kang Marcial sa iskor nga 60-54.

Bisan pa man nagkadugo na iyang nawong, nagpabiling agresibo si Marcial.

Si referee Gerard White kadaghan nga mitan-aw sa gisi ug nadesisyonan niini nga ipadayon pa ang away.

“Unang una, maraming salamat sa Diyos sa kaligtasan at panalo na pinagkaloob sa akin. Maraming salamat din sa lahat ng Pinoy na nagdasal at pumunta sa laban ko sa Dignity Sports Park Los Angeles,” suwat ni Marcial sa iyang opisyal nga Facebook page.

Ang pambato sa Zamboanga City miabante ngadto sa 3-0 (1 KO) nga rekord, samtang si Pichardo nahagsa ngadto sa 8-3 (2 KOs).

Ang Marcial-Pichardo bout usa sa undercard fights sa Jerwin Ancajas-Fernando Martinez rematch alang sa International Boxing Federation (IBF) super-flyweight championship.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph